Design a site like this with WordPress.com
Primeiros pasos

Teo, 18 de febreiro do 2021 – O conflito polo comedor do colexio dos Tilos segue en punto morto e os pais preparan mobilizacións.

O concello de Teo está disposto a asumir o servizo ata final de curso pero pide un compromiso da Xunta de que se fara cargo del desde setembro.

O concello lembra que a competencia é da Xunta. O goberno autónomo contestou onte por escrito que non asumiría o comedor por ser un servizo “complementario”. O BNG de Teo levará a cuestión ao Parlamento de Galicia xa que considera que a Consellería ten que dar explicacións sobre porque non asumiu o servizo nos últimos seis meses.

Mentres tanto o Partido Popular de Teo avoga por que o asuma o concello. O voceiro, José Manuel Guerra, dicía nunha nota de prensa que “Resulta moi difícil de comprender como o concello non asumiu aínda a xestión do comedor, tendo contado coas máximas facilidades por todas as partes […] solicitamos un apoio sen fisuras nin excusas á ANPA do CEIP dos Tilos deixando as cores políticas a un lado e os discursos baleiros”.

Ante esta referencia directa a ANPA Lindeiros falou coa presidenta, Isabel Méndez, os pais ven “curioso” que quen mellor pode presionar á Xunta non o faga.

Méndez explica que comezaron coas xestións no mes de agosto, cando se coñeceron os protocolos establecidos pola Xunta para os comedores xestionados por ANPAS

A ANPA engade que o coordinador de comedores, Javier Lourido, pediulles unha documentación que se remitiu o mesmo agosto. A presidenta lamenta que se tivera que chegar aos medios de comunicación para conseguir unha resposta oficial

Isabel Méndez explica que o seguinte paso será mobilizarse. Os pais consideran que foron moi pacientes pero que chegou o momento de facer todo o barullo posible porque hai familias que están tendo graves problemas de conciliación

Un punto e seguido a un conflito que dura xa seis meses e que, polas datas nas que estamos, comeza a dar a sensación de que pode continuar o vindeiro curso.

ENTREVISTA:

http://lindeiros.gal/a-anpa-dos-tilos-pide-ao-pp-de-teo-que-presione-a-xunta-audio/

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A %d blogueros les gusta esto: