Design a site like this with WordPress.com
Primeiros pasos

FAITE SOCIO

A ANPA é a Asociación de Nais e Pais de Alumnos.

Somos un grupo de pais e nais preocupados pola experiencia escolar dos nosos fillos e fillas nestes primeiros anos tan importantes para eles.

Constituimos unha asociación sen ánimo de lucro co fin de facer notar a voz dos pais e nais no centro escolar.

Traballamos de xeito altruista para xestionar o funcionamiento dos servizos necesarios no noso colexio, para mellorar o contorno e as estruturas e infraestruturas do colexio e para levar a cabo actividades que fagan máis agradables estes importantes anos para os nosos fillos e fillas. 

O noso centro ten unha estrutura especial, debido ao abrupto do terreo no que se atopa, dando orixe a un montón de desniveis e tramos de escadas. 

Esta directiva considera importante a dispoñibilidade de diferentes opcións para os pais e nais á hora de recoller e deixar aos nenos.

Por este motivo, puxemos en marcha o servizo de espera para aqueles pais e nais que precisan 15 ou 20 minutos máis de marxe e non lles interesa deixar aos nenos no comedor., actualmente, conseguimos que sexa un servizo xestionado polo Concello.  

Todas as actividades que levamos a cabo durante o ano teñen como obxectivo mellorar o centro e a experiencia educativa dos nenos e nenas. 

Algunhas das actividades serven para recadar fondos que permitan a realización de outras. De aí a importancia de facerse socio.

A cota de socio permite a realización de actividades como a presenza dos paxes reais, o agasallo aos alumnos de 6º, a festa de fin de curso, cursos e coloquios, festivais, material educativo…. Cantos máis sexamos, máis cousas poderemos facer. 

A forza que temos ante os órganos de goberno locais e rexionais radica no número de pais e nais aos que representamos. Isto quere dicir que cantos máis sexamos máis presión poderemos exercer ante o Concello e a Xunta para acadar as melloras necesarias no centro e no seu contorno.

É importante que todas as familias se fagan socias para aumentar a forza da ANPA. Na seguinte ligazón atoparás un PDF coa ficha de inscripción como socio e socia, cubrea e fainola chegar. Faite socio/a!

A %d blogueros les gusta esto: